Home / Activity / Ogeysiis: Abaal Marinta Cawke (Awke Award 2018)

Ogeysiis: Abaal Marinta Cawke (Awke Award 2018)

Ururka Suxufiyiinta Somaliland SOLJA, waxa uu ku war-gelinayaa dhamaan Suxufiyiinta Somaliland in uu Tartankii Abaal marinta Cawke ee sanadka 2018-ku si rasmi ah u furan yahay 15/09/2018-15/10/2018-ka.

Sidaas daraadeed; Dhamaan Suxufiyiinta Somaliland waxa laga codsanayaa inay soo xaraystaan barnaamijyadda kala duwan ee ay kaga qayb galayaan Tartanka.

 

Qaybaha iyo Barmaamijyada lagu tartamayo :-

·         Warbixinada ku aadan arimaha bulshada sida baahiyaha aasaasiga ee Biyaha, Caafimaadka , Waxbarashada iyo Deegaanka

·         Warbixinada doorka warbaahintu ku leedahay daminta colaadaha iyo adkaynta nabadgelyada

·         Warbixanada ku aadan arimaha Doorashooyinka, Maamul-wanaaga iyo la dagaalanka Musuqmaasuqa

·         Warbixinada ku aadan tebinta Aafooyinka dabiiciga ah sida Abaaraha, Duufaanta

Shuruudaha Tartanka:-

·         In warbixinta la sameeyay sannadkan 2018

·         Inuu yahay suxufi ku nool gudaha Jamhuuriyadda Somaliland oo haysta Kaadhka xubinimadda SOLJA

·         Inuu yahay Suxufi u shaqeeya hay’ad warbaahin oo lagaranayo ama diwaangashan.

·         In uu yahay Suxufi hore oo usoo shaqeeyay amase mid  madax banaan-Freelancer

·        in aanay Warbixinta Muuqaalka ama Codka ahi ka badnayn 20 daqiiqo.
·        in aanay Warbixinta Qoraalka ahi ka badnayn 2 bog (2 page).

Tartanku waxa uu u furan yahay Idaacaddaha, Telefishanada, Wargeysyadda iyo Baraha Bulshada (Electronic Media), Waxaanad ku soo diri kartaan Emailkan:- cawkeaward@soljaorg.com. Ama waxaad ku keeni kartaan Hard  Copy Xarunta Guud ee SOLJA.

Tartanku waxa uu si rasmi ah u xidhmi doonaa 15/10/2018-ka. Sidaas darteed Ururka SOLJA waxa uu ugu baaqayaa dhamaan Suxufiyiinta danaynaysa Tartanku inay sidaas ula socdaan shurruadaha Tartanka.

About Abdishakur Mohamud

Check Also

Ururka Suxufiyiinta Somaliland Oo Maanta Daah-Furay Dib U Eegida Xeerka Saxaafada

Kulan Balaadhan ooh or-dhac u ahaa dib u eegida xeerka saxaafada Somaliland ee XEER NO ...

Leave a Reply

Your email address will not be published. Required fields are marked *