Home / Press release / Ururka SOLJA oo Sheegay inaanay Xayraada Wargeyska Waaberi Xeerka Saxaafada Waafaqsanayn

Ururka SOLJA oo Sheegay inaanay Xayraada Wargeyska Waaberi Xeerka Saxaafada Waafaqsanayn

Ururka SOLJA waxa uu u arkay xayiraadda ay maanta xukuumaddu saartay wargeyska Waaberi mid aan waafaqsanayn xeerka Saxaafadda Somaliland kaasoo muwaadiniinta xaq u siinaya inay nidaam xeerka waafaqsan u furan karaan hay’ad warbaahineed.

Ururka SOLJA, waxa uu xukuumadda ugu baaqayaa inay ka qaado xayiraadda ay saartay wargeyska Waaberi, kaasoo labadii toddobaad ee u danbeeyey ku soo baxayey Ruqsad ay siisay wasaaradda warfaafinta iyo xafiiska xeer ilaalinta guud.

Xayiraaadda ay xukuumaddu saartay wargeyska Waaberi waxa lagu soo saaray codsi xafiiska xeer ilaalintu u gudbiyey maxkamadda gobolka Maroodijeex, taadii ku war-galisay madbacadaha Daabaca wargeyska double in aanay soo saari Karin wargeyska Waaberi.

Ururka SOLJA, waxa uu u arkaa talaabada ay wargeyskan iyo kuwii ka horeeyey ku xayirtay inay tahay mid ay ku hortaaagan tahay xuquuqda muwaadiniinta xeerka saxaafaddu u siiyey inay ku furtaan hay’addo warbaahineed.

Ururka SOLJA, waxa uu xukuumadda Mar kale ugu baaqayaa inay ku dhaqanto xeerka saxaafadda isla markaanna aan muwaadiniinta qaarkoodna aan sharciga loo jabin qaarkoodna aan lagaga hor istaagin mabaa’diida ay aaminsan yihiin.

About Abdishakur Mohamud

Check Also

Press release: Somaliland Journalists Decided next SOLJA leadership

Hargiesa: on 30th December, 2017 Somaliland Journalists Association-SOLJA held its 6th General assembly at Ambassador ...

Leave a Reply

Your email address will not be published. Required fields are marked *